387.758 ástæður fyrir að koma til Íslands

Íslensk menning heillar okkar góðu gesti. Kaup ferðamanna á íslenskum bókum og annari menningu þýðir öflugra menningarlíf og fleiri störf

Samhliða vexti í ferðaþjónustu á undanförnum árum hefur okkur tekist að hækka ránna þegar kemur að fagmennsku og gæðum á veitingastöðum um land allt.

 Viðskiptavinir okkar, íslensk heimili eða fólk á ferð um landið, nýtur þess að fá ferskar vörur frá Örnu um land allt.

Elvar og Sigmar, þriðja og fimmta kynslóðin í saltfiskinum. Kynna ferðamönnum 100 ára hefðina og handverkið áður en þeir borða fiskinn á veitingastaðnum okkar, Baccalá Bar.

Það eru forréttindi að geta skapað góð störf í ferðaþjónustu og bjóða upp á upplifun fyrir hundruð ferðamanna á hverjum degi.

Um allt land neyta ferðamenn vara frá SS. Þannig eflir ferðaþjónustan bændur og samfélög þeirra.

Ferðaþjónustan er stærsta gjaldeyris-skapandi atvinnugrein landsins og eykur lífsgæði okkar allra.

Ferðamenn og Íslendingar ásamt frábæru starfsfólki gera okkur kleift að bjóða upp á mat og þjónustu sem nýtur viðurkenningar á heimsvísu.

Bílabjörgun sinnir vegaaðstoð á Norðurlandi, í byggð og til fjalla. Þjónusta við innlenda og erlenda ferðamenn í 10 ár skapar störf við lausn á fjölbreyttum vanda þeirra.

Það er gaman að bjóða ferðamönnum að njóta þess sem er íslenskt. Konseptið Jómfrúin er það ekki, en hráefnin, gestrisnin og viðmótið er það. Við erum lókal upplifun.

Enginn gleymir sinni fyrstu ferð á framandi slóð. Tryggjum gestum okkar verðmætar minningar sem lifa og hvetja til endurkomu.

Ferðamenn og fjör eru auðvitað fullkomin uppskrift að góðum kokteil. Í veitingageiranum er enginn dagur eins og það er frábært að geta verið hluti af góðri upplifun gesta.

Hátt í 300.000 turngestir kosta viðgerðir og endurbætur í Hallgrímskirkju og margir í hópi yfir milljón góðra gesta á ári leggja til hjálparstarfs með kaupum á bænakertum.

Við finnum vel fyrir fótspori ferðaþjónustunnar, enda eru hótel og veitingastaðir meðal okkar tryggustu kúnna. Hreinn og fínn fatnaður eru aðalsmerki góðra gestgjafa.

Eitt af því skemmtilegasta við að starfa í ferðaþjónustu er að sjá bros á andlitum ánægðra gesta eftir góða máltíð.

Með opnun Vínstofu Friðheima höfum við fjölgað möguleikum í þjónustu og afþreyingu - bæði fyrir erlenda ferðamenn og ekki síður Íslendinga.

Það er mikilvægt að mæta öllum gestum með gleði og góðri þjónustulund. Orðspor lands og þjóðar er sameign okkar og okkar allra að skapa og viðhalda.

Ég elska að sjá áhugann kvikna í augum fólks þegar það kynnist þeim kyngimögnuðu kröftum sem búa í iðrum jarðar í einstakri upplifun Lava Show.

Endurgjöldum í verki þá gestrisni og velvild sem okkur er sýnd þegar við erum erlendis.

Við elskum að taka á móti fólki frá öllum heimsálfum, hvort sem þau koma í mat, drykk eða til að þvo þvott. Svo hafa börnin eigið leiksvæði.

Það er magnað að geta sýnt gestum okkar annað sjónarhorn af Íslandi.

Það er sönn upplifun að bragða á ekta sveitaís, Jöklaís. Að upplifa ánægju gesta gerir hvern dag miklu betri. Gleðin er ósvikin fyrir alla.

Gestrisni skiptir máli vegna þess að eykur möguleika á því að gestir okkar vilji koma aftur og eins segja öðrum frá.

Það er sönn ánægja að ferðast um Ísland með erlendum vinum. Ég hef ferðast með fólki af mörgum þjóðernum en íslenska gestrisnin er ævinlega sú sama.

Íslensk ferðaþjónusta er í heimsklassa. Íslensk náttúra og fagmennska í ferðaþjónustu skila sér í öflugri og mikilvægri atvinnugrein.

Ég hef rekið heimagistingu þar sem markhópurinn minn eru fatlaðir en efnaðir útlendingar og þeir hafa allir verið ánægðir með enskukunnáttu landans.

Við tryggjum gestum einstaka upplifun með hönnun og framleiðslu á vistvænum rúmfötum með mynstrum úr íslenskri náttúru og menningu.

Ég ferðast reglulega erlendis. Það er sama hvert ég fer, það heyrir til algjörra undantekninga að það sé ekki tekið vel á móti manni. Fólk er eins hér.

Ferðaþjónustan hefur fært okkur fjölbreytta afþreygingu og þjónustu hringinn í kringum landið. Nú er gaman að ferðast.

Ferðaþjónusta bætir lífsgæði allra þeirra sem njóta gestrisni landsmanna. Hún skapar fjölbreytt atvinnutækifæri og eflir uppbyggingu samfélaga.

Ferðafólk elskar landið okkar og sú aðdáun er mjög smitandi. Mér þykir ennþá vænna um íslenska landslagið og íslenska veðrið fyrir vikið.

Ferðaþjónusta eflir framþróun og lífsgæði fyrir mig og þig, bæði hér á landi og annars staðar. Hún eykur velíðan og skapar upplifun.

Ferðaþjónustan er mögnuð atvinnugrein þar sem allir eru með einhverju hætti þátttakendur og einkaframtakið fær að blómstra um land allt!

Uppbygging um allt land, hundruð starfa og engan þarf að undra vinsældir Íslands með slíka náttúru og gestrisið fólk.

Við hjónin gerum töluvert af því að fara með ferðamenn um landið. Það er dásamlegt að sjá og upplifa landið okkar og þjóðina með þeirra augum.

Fjölgun ferðamanna hefur orðið til þess að þjónustustig hefur hækkað og þar með lífsgæði íbúa úti á landi. Ferðaþjónustan er okkar besta byggðastefna!

Gestrisni gefur okkur alvöru tengingu við aðrar manneskjur og auðgar þar með lif okkar og þeirra sem heimsækja okkur

Þegar eru norðurljós bönkum við upp á. Einn gesta okkar sendi þessa mynd í kjölfarið með orðunum "Best gift ever". Óendanlega skemmtilegt

Við erum stolt af þeim fjölmörgu ferðaþjónum sem veita gestum og íbúum Austurlands frábærar upplifanir!

Mér þykir vænt um landið okkar og er stoltur af fegurð þess og mannlífinu hér. Ég vil að gestir okkar sjái bestu hliðar landsins og njóti þess.

Spurningar frá ferðamönnum verða til þess að ég kynni mér meira um landið, söguna, náttúruna, menninguna o.fl.Fæ þannig meiri skilning á landi og þjóð

Að sjálfsögðu tökum við vel á móti ferðamönnum. Sýnum móðurmálinu okkar virðingu, höfum alla veitingastaði með íslenskum nöfnum fyrst og enskuna svo.

Ég lofa því að gera mitt besta til að hjálpa okkar gestum að skapa ógleymanlegar minningar um Íslandsheimsókn sína.

Að fá að taka þátt og aðstoða við að skapa minningar þeirra sem hingað koma er beinlínis gefandi

Ungir tónlistarmenn frá Úkraínu sækja innblástur í listasmiðjuna mína og koma fram á Menningardegi FKA í Borgarnesi

Sem íbúi í 101 um árabil get ég sagt að miðbærinn hefur aldrei verið líflegri. Iðandi mannlíf, menning og fjölbreytt flóra verslana og veitingastaða.

Gestrisni sýnir skilning á væntingum ferðamanna sem eru í fríi og fullir væntinga

Það skiptir öllu máli að taka vel á móti, gestrisni og þjónustulund skapa jákvæðar minningar og ýtir undir gott orðspor.

Að skoða plöntur í sínu náttúrulega umhverfi er ævintýri líkast og við hjá Þund bjóðum fjölbreyttar gróðurferðir

Mér finnst mikilvægt að gestir mínir finni að þeir séu velkomnir bæði hjá mér og annarsstaðar. Þau skipta máli.

Á eigin ferðalögum er ekkert dýrmætara en að finna vinsemd og hjálpsemi á áfangastað. Það gerir maður svo sannarlega á Íslandi og Reykjavík.

Ísland tekur hlýlega á móti gestum. Þannig hefur það alltaf verið. Náttúran og fólkið í landinu eru órofa heild. Við tökum vel á móti gestum.

Íslensk náttúra er stórbrotin, bæði á landi og á sjó. Ánægan er okkar að gera upplifun ferðamannsins af landinu enn minnisstæðari en ella.

Ævintýri og upplifanir eru fjárfesting gesta í minningum, við uppskerum árangurinn af gestrisni í formi þjónustu, atvinnutækifæra og innviðauppbyggu.

Með fleiri ferðamönnum verður hægt að standa undir öflugra neti almenningssamgangna í dreifbýli á sumrin og á stærri hluta ársins.

Við höfum ánægju af því að taka á móti gestum í sveitagistingunni okkar, bjóða uppá heimatilbúin kvöldmat og segjum þeim frá umhverfinu og menningu.

Það skemmtilegasta við starfið mitt er að skipuleggja ógleymanlegar ferðir. Ferðalög skapa góðar minningar og ferðaþjónusta bætir lífsgæði allra.

Kraftur og fegurð náttúrunnar speglast í fólkinu sem býr hér og fólkinu sem heimsækir okkur. Íslensk ferðaþjónusta á heiður og þakkir skilið.

Það er gefandi að snerta hjörtu gestanna á HÆLINU, sýningin um berklanna gerir það og svo er dásemd að bjóða upp á heimabakað með kaffinu á eftir.

Það var ekki fyrr en gestsaugað benti okkur á hvað það væri fallegt hérna sem við áttuðum okkur á því. Venjulegt fyrir okkur - upplifun fyrir aðra.

Þegar við hjónin ferðumst um landið með tjaldið okkar finnst okkur eftirsóknarvert og gefandi að vera innan um erlenda ferðamenn og jákvæðni þeirra.